لك!!!!!!!

جيت لك عاني وانا كلي عطش=ياغديرٍ شوفتك تطفي ظماي

لك طعنت البيد والليل العمش=وكل دربٍ صعب روضته عصاي

شبه جثه جيت واقدامي نعش=الجسد والروح تستنجد خطاي

جيت لاجي في حما عين الوحش=لجل اواسي ناظرٍ طاله جفاي

جيت اسامر بالدجى صوتٍ نقش=همسه الدافي ودسه في صباي

بعد جف الريق والعظم ارتعش=لاصبر دوني ولاعزمٍ رواي

لاح له برقك ثرايه وانتعش=واعشبت صحراي واغرقني سماي

وهب من روضك شذا وردك ورش=المكان وداعبه نغمات ناي

وفي مظلة ٍ ضافي الرمش العكش=استراحت نظرتي تشرب هناي

لين من فرحة لقاك الوجه بش=وابتعدت اعطيك درسٍ من وفاي

ايه تكفي نظرتي لاتندهش=وعن سواها شيمتي تردع خطاي

ويش ابي غير الروى بعد العطش=ياغدير شوفتك قمة روايdoPoem(“font=’Simplified Arabic,5,#000000,bold,normal’ bkcolor=’#E3BED8′ bkimage=” border=’ridge,9,#8500FF’ shadow=’1′ type=0 line=0 align=center use=ex num=’0,#400000′”);