ليش الجفا

من قصائد البدايات ليش الجفا يازين بعد الموده=قلبٍ يحبك ليش دايم تضده

ليش التغلي والدلع ياحبيبي=وحبا على السيسان ناوي تهده

حرام تهدم كل ماصار بيننا=حرام شباك المحبه تسده

نسيت عهدا بيننا قاطعينه=يوم (ن) حبل الود كلٍ يمده

يومننا خلان والجو عاطفي=وكلٍ عرف في الحب دربه وحده

واليوم تهجرني وتقسى عليّه=وحبل الرجا بين الولايف تشده

ارجع على من حسر صابته=ارجع على من دمعته فوق خده

ارجع تراني ماتحمل فراقك=فرقاك تحرمني رقيق المخده

ارجع تراني جالسٍ في انتظارك=ارقبك يامن طرف عيني يوده

وان مارجعت اعلم تراني قتيلك=اول قتيلٍ تحفر القبر يدهdoPoem(“font=’Simplified Arabic,5,#000000,bold,normal’ bkcolor=’#F5E8F2′ bkimage=” border=’groove,10,#400000′ shadow=’1′ type=0 line=0 align=center use=ex num=’0,#400000′”);