الرسايل جات من صوب غالين الطبوع
سبع تسجيلات مرتبه ومصمصمه
كل ماشغلت وحده ليا بنت فروع
تشعف اللي عن هواء العوب ماطاح علمه
واستعنت وجيت فازع وانا رجل فزوع
في يميني سيف مافزع لي بعود سلمه
مرحبا من شاعر لاتكلم مايتوع
بالكلام الزين رب الخلايق ملهمه
ياعتيبه يالسيوف الرهيفه والدروع
من وصلنا في ديرنا غمرنا بكرمه
والله ان افرحنا ماتترجمها دموع
يوم شفنا اللي لفانا قبل لانعزمه
بيض الله وجه رجل وفي ماهوب قطوع
عن مواقف عزوته ماتراخا محزمه
ومن وعد تكرارها ثانيه ماني قنوع
سبعة ايامن بروح السعاده مفعمه
شعر/ضاوي العصيمي