كتبت على لسان شاب يحاور والدهالابن
يابوي أنا أعيش مظلوم كسير الجناح
وأنت الظليمة علي كيف ترضى بها
أسهر وأصارع همومي لين يبدا الصباح
كل الطواري علي تحدد أنيابها
الابلحظة وأنا ابوك لا داعي لكثر الصياح
بالهون قلي عن التهمة وش اسبابها
أنا من أجلك قضيت العمر كله كفاح
ألم الاموال وأنت اللي تهنا بها
الابنلا تحسب التربية يابوي مال وسماح
وسيارة فارهة لاجل اتمشى بها
التربية لو توجهني لدرب الصلاح
نصحك وصحبتك أنا ذا اليوم طلبها
الابأنا أقضي الوقت كله في مجي ومراح
مشغول وأعمالي انت أضنك أدرى بها
ماني بفاضي لكثر الغشمرة والمزاح
وأنت كبرت النصيحة وشي تبغى بها
الابنبغيتك تداوي جروحي وزدت الجراح
وراك كل الدروب تقفل ابوابها
يابوي خليتني واقف بدرب الريال
ما أميز الناس صادقها وكذابها
الابأنا من اليوم معك ولا تزيد النياح
وأنا عوينك على دنياك واتعابها
مادام بعدي يصدك عن طريق النجاح
نتايج التجربة لك وأنت أولى بها
الابنخوتك يابوي علقها بصدري وشاح
ونصحك عصاة عن الجهلة وعصابها
كلمات/ضاوي العصيمي