مرثية في سماحة الشيخ بن باز

مرثية في سماحة الشيخ عبدالعزيز بن باز كتبت عند وفاته وهي تعتبر من البدايات اسمه وعلمه حي لو مات مامات=يفنى الجسد والاسم والعلم باقي

علمه لنا نورٍ ينير المسارات=ودرعٍ لنا من غزو الافكار واقي

وعلمه لنا مثل الحصون المنيعات=نلقى بها عن كل بدعه متاقي

هذا الوريث لناقلين الرسالات =وهذا عدو اهل المكر والنفاقي

وهذا منار العلم سقم الظلالات=ماينهل الا من حسين المذاقي

وللسنة السمحه بقلبه مقامات =بدت محبه وانتهت بالعناقي

ماصدته عنها حياة الملذات=وجمع الدراهم والفراش الرقاقي

ولاغيره عن منهجه بعض الاصوات=الداعيه للتيه والانشقاقي

كله صفاتٍ سامياتٍ رفيغات=لو جيت ابا احصرها على الطرس ضاقي

مرحوم ياشيخٍ دروبه منيرات=شيخٍ رقى في نايفات المراقي

يالله ياعلم بخافي الخفيات=تجعل له الجنه مقر ومساقي

وتجبر عزا كل القلوب الحزينات=وهوّن علينا ياكريم الفراقي

وتجبر عزا ( المنبر) وشم المنارات=اللي علاقاته بهنه وثاقي

نسالك يافارض علينا الصلوات=أتثبت أقدامه نهار التلاقي

ادعو معي ياهل القلوب النظيفات=لعل فى الفردوس ماواه راقي

ادعو واكن بداخل الصدر عبرات=مياسمٍ ترسم وسوم وعراقي

لو ينفعه نزف الدموع الغزيرات=والله عليه لكل دمعٍ يراقي

ولو ينفدي نبذل نفوسٍ عزيزات=فراق مفتي المملكه مايطاقي

مير البقا لله رب السموات=الدائم الله والخلايق طراقي

ولاللفتى عن حكم ربه مصدات=في يومه الموعود روحه تساقي

والموت حق ولا عليه اعتراضا=لابد ماتلتف ساقٍ بساقي
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/16.gif’ border=’ridge,4,#400000′ shadow=’1′ type=0 line=0 align=center use=ex num=’0,#400000′”);