سلام ياربعنا العتبان ياهل الكويت
سلام رفقه وتقدير وغلا وافتخار
من شانكم ياحزام العز والطيب
جيت
احث الاقدام عاني من بعيد الديار
للمهرجان الكبير اللي عطا الصيت صيت
والصيت من ماضي الازمان عالي مدار
امجادنا لو بغيت اعدها ماقويت
والمنهج ايمن ولانعرف نعود يسار
يقال دور عتيبي وازهمه لاعتزيت
وان قلت فيكم عتيبي ياطوال العمار؟
والله لتسمع بكلمة تبشر بما بغيت
ويفزلك حر اشقر من مواكر حرار
عتيبه اهل الكرم والي زبنهم بخيت
واهل النواميس واهل المرجله والوقار
تلقى الشحم في مجالسهم ليا من لفيت
والعود الازرق يباري صبة ام البهار
في مزاين عتيبه الهيلا حضرت ولقيت
لمزاينٍ في نفود السر رمز وشعار
المركز الاول يكرر حسب مارايت
هذا مثل ذاك بفعول الرجال الكبار
الشكر ياعتيبة اهل الطايله بيت بيت
رديتوا الليل في قاع المزاين نهار
ضاوي العصيمي