مساجلة مع الشاعر حميد الذيابي

ارسلها الشاعر ضاوي العصيمي للشاعر حميد الذيابي بعد ان حدث موقف للذيابي في مجلس الشيخ سلطان بن خليل الغلطه اللي جات عند المناعير=مانقّصت قيمة حميد الذيابي

الا .. كسوه البشت حشمه وتقدير=اللي يعرفون الخطا والصوابي

سولف يابو بندر عشير المسافير=الشك مايلحق عزيز الجنابي

لاتنحرج واللي حصل سو تعبير=والنيه اصفى من رشاش السحابي

وعذرك سمين ولاحصل منك تقصير=ومعزبك شيخٍ يفك الرقابي

سلطان اميرٍ صدق لاقالوا أمير=نسل الشيوخ مذللين الصعابي

أهل السيوف المرهفات البواتير=واهل الشيم واهل الكرم والآدابي

يالله لعل الحي من خير في خير=وتثبّت الميت نهار الحسابي

واجعل لهم في جنة الخلد تعمير=اسألك باسمك ياسريع الجوابي

سؤال ابو بندر زبون المخاسير=الحاضر بقلبه وفى اللفظ غابي

وترى الخطا فى اللفظ لاقبّل مغير=مافيه حيله ياعساه الذهابي

ومخلاص بيضان الوجيه المعاذير=في نص سلم الخنذفي والشبابي

مع تحيات اخوك =ضاوي بن عايض العصيمي
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/15.gif’ border=’ridge,7,#400000′ shadow=’1′ type=0 line=0 align=center use=ex num=’0,#400000′”);رد الشاعر الكبير/حميد بن رازن الذيابي حفظه اللهياضاوي الموضوع جا فيه تكبير=والا لساني بين ضرسي ونابي

يالله ياللي بالهواء ترفع الطير=ياعالمٍ وش نيتي فى اطلابي

انك تعز متعبين المباهير=واجعل لهم من فضلك اجر وثوابي

ياشيخ ياستر البني الغنادير=ياشيخ سلفاناً تروي الحرابي

جحادرٍ عنها القبايل مدابير=يحسب لها في كل دعوى حسابي

شيخٍ يجيه الهدو مثل الطوابير=وتدفع له الجزيه على كل بابي

وتجيه شيخان الجموع المشاهير=تستنجده فى الضيق والاكترابي

وبعد معزي حرر الناس تحرير=حطك من أعلى البرلمان النيابي

ان كان بك عذروب هدو المغاتير=جرد الرقاب الفاخرات النوابي

وعطاك للمورات للفعل تبرير=سطوه ولاانت بمكتسبها اكتسابي

خليل بن ناصر مقدى المظاهير=معنز لك في علو الهضابي

واقبل سلامي عد رمل المعاصير=مقرون بالعذر الصريح الايجابي

الشاعر الكبير=حميد بن رازن الذيابيdoPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/5.gif’ border=’ridge,4,#400000′ shadow=’1′ type=0 line=0 align=center use=ex num=’0,#400000′”);