مساجلة مع الشاعر سلطان بن حامد

ارسلها الشاعر سلطان بن حامد العصيمي على شاعرنا يابوزياد الشعر صعب المعايير=وأكثر جماهيرك يبون الجدايد

وأنته ليا كثرت عليك التفاكير=ودك تخير في خيار القصايد

وإحترت فاللي يفحمن الشواعير=وإلهن على كسب المراكز عوايد

معذور لكن لا تطيع الأشاوير=أنا نقيت من الفرايد فرايد

إخترت ما يرضي غرور الجماهير=ويعايد أسماع القبيله معايد

ترى زميلك شاعر” منهجه غير=ولا تنجب أفكاره ياكود الشرايد

وإما إحتسيته بالبكار المغاتير=وألا إحتدانا بالنياق التلايدdoPoem(“font=’Simplified Arabic,6,#000000,normal,normal’ bkcolor=’#DCF2F6′ bkimage=” border=’groove,7,#0005FF’ shadow=’1′ type=0 line=0 align=center use=ex num=’0,#400000′”);رد الشاعر ضاوي العصيمي بهذه الابياتماناض برق”في خشوم المباكير=واسهر عيون مدورين الفوايد

حي الله النادر وريث المناعير=حفيد جد وجد كايد وكايد

من الحميا يبدي الراي ويشير=ماهوب عن ربعه صدود” محايد

يفوح راسه مثل فوح المباهير=اللي تفوّح فوق نار الوقايد

وعن لازمه مايندرق فى المعاذير=يتعب على شانه لو البعد نايد

يسهر من اجله لين تبدا التسافير =يوم الرخوم يكبرون الوسايد

ابشر يابوحامد زبون المخاسير=باللي يسرك من مواجيد جايد

وماداعب الغربي زهور النواوير=عساك سالم ياوسيع البنايدdoPoem(“font=’Simplified Arabic,6,#000000,normal,normal’ bkcolor=’#D9F2DF’ bkimage=” border=’double,9,#38A30F’ shadow=’1′ type=0 line=0 align=center use=ex num=’0,#400000′”);