مساجلة مع الشاعر عبدالله القثامي

هذه قصيدة من الشاعر عبدالله القثامي مسندها على شاعرنا

بسم الذي ماخاب عبد التجابه=رب الملا المعبود هازم هل الفيل

رب السماء رب الوطا رب مابه=رب البرايا رب طاها وجبريل

قال الذي زين الفرايد بدابه=غرايبٍ من رائعات التماثيل

سلمان الا يافزعة اللي غزابه=هات الحطب واحضر لي البن والهيل

ثم شب نارٍ مثل نار الحرابه=وادن النجر يابوك وادن المعاميل

الكيف ياسلمان ماطيب شرابه=في ساعةٍ تبعد عن القال والقيل

والضيف يمي قام يشعب ركابه=قامت هواجيسي مقافي مقابيل

اونس براسي مثل صوت الذيابه=لاجرت عواها بروس الغراميل

مرت ثلاث ليال ماقلت جابه=اصارع الهاجوس والحط والشيل

معها ثلاث ايام هم وكآبه=احسّب الدنيا غدت كلها ليل

مركاي راس الكوع والفكر اصابه=همٍ من هموم الليال المحابيل

هموم سد هموم يال الغرابه=عقب السعاده جا نكاده وتنكيل

اثر السعاده وقفتٍ وانقلابه=تقبل ويقفاها هموم وغرابيل

والله ماهمي هم حب وصبابه=حب الهنوف ام الرموش المظاليل

غضٍ غضيضٍ في بداية شبابه=عمهوج ومضرى بحفوه وتدليل

اللي ليا سلهم برمش ونوابه=يذبح قلوب اهل القلوب المعاليل

الحب لو حبيت مانقل صوابه=ماني وانا فرز الوغى بارد الحيل

واخير من بعض الكلام اجتنابه=فانوس يكفي عن كبار القناديل

لو كان حالي قل مالي غدابه=القل ماعيّب ثقات الرياجيل

الله عن الطلاب ماصك بابه=ربٍ غني وكل خلقه مقاليل

انا عزيز وراس مالي عتابه=اهل القنا والسيف والجيش والخيل

ربعي عما عين الحريب وذهابه=لطامت العدوان ذباحة الحيل

نمشي على دين النبي والصحابه=والدين دين الله ولاعنه تبديل

في ظل حكمٍ كل مسلم رضابه=خلا الاعادي والمفادي مشاهيل

ال السعود ان جا نهار المجابه=تقبل ولاتقفي ومن طاح ماشيل

من طاح من عدوانهم واعذابه=ملوكن اللي فالعرب تعدل الميل

وانا سبب هم الفؤاد وصوابه=حرٍ بدار الشرق دونه عراقيل

صادق صديق من اقربين القرابه=عزام جزامٍ موفى المكاييل

مزين رب المخاليق ادابه=اصفى من مياه المزون الهماليل

يومٍ جا للمخطيات اعتقابه=ماصغى لهرج امزيفين الاقاويل

ودرب الوفاء ماكل رجلٍ مشابه=الا الرجاجيل الزحول الحلاحيل

سوات ضاوي عز منهو صطابه=سيفٍ من اعز السيوف المصاقيل

والنعم اخذها كلبوها كسابه=والشعر ينهل من خيار المناهيل

وشعري حنى راسه لحضرة جنابه=حيثه من اللي يحكمون التعاليل

وشعر الهزل ماباع به واشترابه=الا الحداثيين قوم التهاويل

ثم لبسوه ثياب ماهي ثيابه=مع سكة ادونيس شين الدواليل

واهل الصحافه زودوا فى الكتابه=مسايره للجيل واشيب هالجيل

كبوا تراثٍ فيه عز ومهابه=هو فيه في شعر الحداثه محاصيل

وياضاوي اكتب للسؤال الاجابه=كيف انت واخبارك وكيف التفاصيل

امس العلوم تزين جابه بجابه=واليوم بحروف الرسايل وبالتيل

وعلى محمد عد وبل السحابه=صلو عدد صادق مزون الهماليل
doPoem(“font=’Simplified Arabic,5,#000000,bold,normal’ bkcolor=’#E9D9C3′ bkimage=” border=’double,6,#400000′ shadow=’1′ type=0 line=0 align=center use=ex num=’0,#400000′”);الشعر عبدالله القثاميوقد رد الشاعر ضاوي العصيمي بهذه القصيدةابدا بذكر اللي سريعٍ ثوابه=ربٍ فدا بالكبش عبده اسماعيل

يوم امتثل لامر الله اللي قضابه=وارخى النواظر والعضود المفاتيل

والراس لكفوف الخليل انحنابه=يابو نفذ حكم ربك بتعجيل

ثم سدحه والخلب جوّد نصابه=وسمى وكبر والشفايا مذابيل

وفهق كمومه والوريع ارتخابه=ورفع عزيزات اللحي المشاكيل

وقبل الذكاه الله لطف واعتنابه=ونادى تمهل يارسولي بتاجيل

ابشر بكبشٍ عفو ربك ضوابه=واعتق ضناك وكبروا له بتهليل

ربٍ سقى امه يوم تطرد سرابه=بين الصفا والمرو سوت مجاديل

فجّر لها عين الروى من ترابه=من ضرب عرقوب الغرير انفجر سيل

والماء من البحر الظليم اعتلابه=وساقه بريحه فى المزون المحاميل

تبرق مقاديمه ويبكي عقابه=وتشرب وتنبت به ديارٍ مماحيل

ماخاب من حبل الكريم التوابه=وفي طاعة الله ذلل النفس تذليل

ويقول من رجم المعاني رقابه=ويعاين الشعار دونه بدربيل

يازياد عزوة من نخا واعتزابه=وحسه علوم وسبل الفكر تسبيل

قم شب نارٍ نورها يقتدابه=تكفي الساري عن الجدي وسهيل

وقرّب ثلاثٍ بالوصايف تشابه=لون الذهب وبطونهنه مناحيل

خمره ومصفاتين فيهن صهابه=ومكحلاتٍ من سنا النار تكحيل

واحمس ودق بخف دم ولبابه=والنجر دنه يابيض الوجه بلحيل

ثم لقم الخمره بعرف وذرابه=من حب خولاني حديث المواصيل

وافرش لها جمرٍ تواشا رقابه=واحذر تميلها هلى حيد وتميل

واليا قطع بالفوح والريح جابه=اصفه بمصفاةٍ بها الهيل قد كيل

ثم شق مشقوقٍ موثق حسابه=قاصر عن الشعله وشغل الدعابيل

وان شفت مقدمها بهاره بكابه=كفكف دموع الهيل بالبيز وتزيل

ثم صب لي فنجال ابا اطعم خضابه=والحق شذاه برشفةٍ منه تكميل

واليا انتعش جوي طرب وانتشابه=دن القلم والبوك واسرع بتسجيل

فيض الضمير اللي لساني شدابه=لافيه لازيفٍ ولافيه تاويل

ردٍ على خطٍ حروفه نهابه=من الجواهر كايدات المناويل

ماكل حوافٍ يحوفه لفابه=دونه قلوب اللي يبونه مغاليل

جابه محمد شوق جالي عذابه=من يم ابو سلمان رحال ومحيل

يامرحبا باللي نصاني جوابه=عداد ماتطفى الفتن بالمعاديل

وان قلت حالك قلت عايش بغابه=بين الهموم المبهله والمشاميل

كن الحنش ينهش فؤادي بنابه=وكن العيون مداخلتها سماليل

الجو من عقبك كثيفٍ ضبابه=وجميع بيبان الاناسه مقافيل

طرقي ولاوده يفتش زهابه=من خوف لاتبحث خفاه العواذيل

صبر على ماوافقه وابتلابه=والصبر مايبقاله الا شماليل

ياليت للفرقا علاج وطبابه=وللبعد عن شرواك اشاعه وتحليل

ودكتور ماهر يسعف اللي لجابه=يشخّص همومه وتمسح بمنديل

والله لجلب له معاشي جلابه=وان ماكفاه اشيل دين وتماهيل

لكن حلوم ولاورى الحلم ثابه=ولاينخدع بالحلم غير المهابيل

وراع الحداثه لو نعق وش تبابه=لو جمّلوا مايستر العيب تجميل

واللي لسانه للنميمه هوابه=وده يساوي شامخ الراس بالذيل

اجابهه ويرجعه في جرابه=والدرب الابيض للنشاما مداهيل

وصلوا على احمد عد رمل الشعابه=وعد النجوم وعد مايجري النيلdoPoem(“font=’Simplified Arabic,5,#000000,bold,normal’ bkcolor=’#CFEAE1′ bkimage=” border=’groove,6,#400000′ shadow=’1′ type=0 line=0 align=center use=ex num=’0,#400000′”);