يا ضاوي الشــعر احتـدم كل طاروق
لـوكـثرت افـكار العــرب بالــطواريق
عقــب الفــضاوة حولوا يمنا السوق
قــاموا يخــمون القــوافي مــطافيق
مــتى يــزين القــاف للــراس ويـروق
ويفتـح عنه سجن االقلوب المغاليق
لـه عــدة ايام عــن الشعور مصفوق
مـاكــن جــاء بيــني وبيـنه مــواثـيق
يا بو زياد الشعر مهـوب محقوق
الحــق في نـاســن تبــذ المــخاليـق
كلـن يقــول اني مـن الشـعر مرموق
نشـوفـهم في كــل وجــهة وتطـبيق
عبدالرحمن رجا بن حويفر الدغيلبي
———
الرد
يابن حويفر كل مطرود ملحوق
ترى الفرج مايتي الا بعد ضيق
خل الاوادم تعتلج وارتفع فوق
مالك ومال مجمع الخيق والبيق
الشعر اله مامون والعلم موثوق
حتيش لو صاحت حلوق الغرانيق
لايشحنك يابو رجا كل مطفوق
مايطرح الاهداف كود التفافيق
والحر ميقاعه على راس شاهوق
واليا انصرم يدمي صخاف المعاليق
وختامها شيين ياراقي الذوق
الشعر وهبه والمراحل توافيق
ضاوي العصيمي