مع الشاعر عبدالله بن تني

قصيدة مرسلة من الشاعر عبدالله تني المقاطياستهل إسم الولي ياقلم وأرعف مداد=وأكتب الله لا يهينك وحذرا لاتحيد

دام أنا سليت ريشتك من بطن الغماد=ودام حبرك فاح من صبغته عطر القصيد

الوكيل الله ومن ساد في الايام باد=ماعلى الدنيا ترى غير وجه الله يبيد

يالله أني طالبك حكمه ورايٍ سداد=وأتجمل مع رجالٍ لهم رايٍ سديد

ياهجوسي مجلس الشعر في حال إنعقاد=إحضري ياأم الخلاخيل والعقد الفريد

والبسي ثوب الفرح وأمتطي صهوة جواد=وأنتخي باللابه اللي يفلون الحديد

كان مازفوك أبعلن على موتك حداد=قبرك أستر من وجودك على وجه الصعيد

وأقطفي من روضة الشعر يشمومٍ وكاد=وأجمعيها باقةٍ كل مافيها جديد

باقةٍ من عطرها تنتشي (بانت سعاد)=ويذكر الراوي ليا شافها سيرة (دريد)

وأركبي متن الهوى وأعبري فوق الوهاد=وأهبطي من غير قايد ولا ساعي بريد

وعند ضاوي مزبنك نعم فيه أبو زياد=عامرٍ بيته على العز والساس الجويد

ذخر قومٍ تلطم الضد في يوم الطراد=كم لهم في صفحة المجد من يومٍ مجيد

كاسب الطولات والمرجله في كل ماد=مايشاور في دروب الوفاء زيد وعبيد

عادته كسب النواميس ما ياخذ حياد=ماقفه ماينحرف عنه لو ظرفه شديد

وعادته عسف العسيرات والعوب الجداد=الشوارد عند ضاوي لها حوزه وصيد

كنه ليا أومى عليها مثل طير الهداد=نادرٍ مايهوي الا على الخرب العنيد

(عن شواردها ينام ويكبر في الوساد=ولا يهمه لو سهر لأجلها باقي العبيد)

نقتبس من نور فكره على درب الرشاد=ونحرص إنا من دروسه نفيد ونستفيد

شاعرٍ يسمو بشعره ليا عبر وأشاد=وإن دخل بستان حكمه قطف طلعٍ نضيد

وإن وصف كنك تشاهد لما وصّف وكاد=وإن تغزل قرب الموت من حبل الوريد

وكل ميدانٍ يخوضه ويدخل فيه أجاد=مبدعٍ في كل الأحوال ما ينقص يزيد

بيض الله وجهه ونوله كل المراد=والسعاده تنكتب له مع العمر المديد

والسلام ختام وأزكى تحيه والوداد= من رفيق لك من أيام (بهجت بن جنيد)

ولا يلام الرجل فيما حصل بعد إجتهاد= والذهب راعيه ما يقبل السوم الزهيد
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/5.gif’ border=’groove,4,#400000′ shadow=’1′ type=0 line=0 align=center use=ex num=’0,#400000′”);رد الشاعر ضاوي العصيمي بهذه القصيدةمن صهاةٍ نطّع البن فيها بالقناد=لين صار خضاب عذراً تحنت ليل عيد

كايفٍ يطرد خوى الراس واخلاج الفؤاد=كل ماشفيت فنجال فكري يستعيد

هاجسه وانقا التمثايل للعراف زاد=في شنبي والدقن ماجيب منها الا المفيد

أمتثل يالطرس مامور لحروفي مهاد=وانت سجل ياقلم واستمد من الرصيد

اصرف اصرف والرصيد ابشر انه في ازدياد=ماتهزه مدة الطيب والمولى شهيد

والقصيد انواع واشكال وعيونه تصاد=ولايصيد عيون الامثال هذارٍ بليد

لويجي بالهيلمه والتهبد والهباد=كان راح شمام لهل المهابد والهبيد

عانهم يابن تني مثل عمدان الجراد=كلهم شعار يادبل كبدك يالنشيد

يفشلون العود الازرق بعودان الكداد=ويخلطون الحمض بالراك والهرم بهضيد

والبضايع كل ماينتشر فيها الفساد=صد عنها صاحب الفكر والعقل الرشيد

مثلك ومثلي ومثل المناعير الجياد=عن نواديهم وخاناتهم طبعا نحيد

نرفض المضروب ونحوز عن سوق الكساد=وفي سبيل الطيبه نبذل الجهد الجهيد

وانت شاعر والك منهج تجيده بانفراد=فن راقي وانت اله يابيض الشارب تجيد

سلمت لك شرّد الفكر طاعه وانقياد=ولو نوزعها رتب وزعتك رتبة عميد

وفوق هذا من هل السيف الاملح والشداد=والمواقف لاتقابل ضديدٍ مع ضديد

مقدم الهيلا بالاكوان لانادى المناد=والمواجه صار محتوم من عقب الوعيد

ولوبغيت امدح تطول المعاني مير عاد=اكتفي وارجع لمكتوب عبدالله واشيد

مرحبا ترحيبتٍ ريحها هيل وزباد=والطعم من سكريٍ هزع خضر الجريد

من نوايا صافيه بيض مافيها سواد=وياعسانا دوم عن هفوة الهافي بعيد

بالرفيق اللي تهيض وهيضني واعاد=ذكرياتٍ للدراسه وللوقت السعيد

اصبحت ماضي وذكرى ودنيانا جهاد=كم نبي ونريد والله يدبر مايريد

الزمن دوار والقيظ من عقب البراد=والحظيظ اللي قضب عروة الحبل الجويد

التوى في حبل ربه مهابه واعتقاد=وانصرف عن كل غاوي وشيطانٍ مريد

بشره بالفوز لاعرضت اعمال العباد=في نهارٍ يذهل الام والطفل الوليد
doPoem(“font=’Simplified Arabic,5,#000000,bold,normal’ bkcolor=’#FFFFFF’ bkimage=’images/backgrounds/6.gif’ border=’groove,4,#400000′ shadow=’1′ type=0 line=0 align=center use=ex num=’0,#400000′”);