الشعر ياضاوي مساحات وفجوج
وانته هواجيسك تطب وتخيّر
ماكنك الا شيخ لابه معه فوج
والفوج بأمر الشيخ دايم مسيّر
وان كان ابه جندي مشاكس ومرجوج
لاتكتب اسمه في كشوف المسّير
خله حبر ف أوراق في داخل دروج
الا اذا ف الوضع شيكٍ مجيّر
حمود بن عريفان
في الشعر بكر وفيه ياحمود مسهوج
وانت اشتهرت تصيد منه المذيّر
مثل اشتهار الضيط بالسيف عمهوج
اللي لروس اهل المعايا مطيّر
وانا مابا شيخه على غير منتوج
ووقفت مابين الروابع محيّر
اطيب لي اجنب عن الهوج والروج
واطلب تقاعد قبل الانفس تغير
ضاوي العصيمي