الشاعر عبدالله بن عون ومجارة ورد الشاعر ضاوي العصيمي
قال ابن عون
شكر وثناء ينساق سوق الفناجيل..
اهديه واصخي به لمن طاب فاله..
للادعاصم كاسبين . . التنافيل..
عون الرفيق ليا افتقد راس ماله..
رفيقهم يوم اجترف ذوده السيل
ردوا عليه اكثر من اللي غداله
هنا يبين الفرق بين الرياجيل
للي هدفهم كاسبين الجماله
عبدالله بن عون
………………….
الرد
مجاراة للشاعر عبدالله بن عون
يامرحبا بالمدح من شاعر الجيل
اللي ليا غنى يغرد لحاله
حلحيل يمدح له زحول ٍ حلاحيل
مدحٍ على فعل ٍ موثق وطاله
هوماتهم تبرى الكبود المغاليل
والنعم يزهاهم ليا جا مجاله
في الوقت الاول والسنين المقابيل
احبال قطمان المحازم جلاله
ضاوي العصيمي