من يواسيني

الهواء اللي هب عقب العصر سوابي سواته= يوم طيّر عن جسد هافى الحشا خامٍ يلفه

وطارله شوفي وشفي مثل ماطارت عباته= وجيت اله كلي على راسي محول مع مطفه

من حجا مرقاب ثقلي طحت في ظل احسناته= في مكان اللي يرده عن سؤال المد عفه

ان عطاني حاجتي جمّل ولا هزت غناته= المصيبه لن عرف مابي وعني شح كفه

من يواسيني على عقلٍ تزعزع من ثباته=وصار ملك ايديه ضمن اوراقه اللي في ملفه

نادرٍ مايشبه الاصورته داخل مراته= وصورتٍ له بالخيال وفي نظر عينٍ ترفه

في غزال الريم منه اليا جفل خطو التفاته= وفيه من وصفه رموع وفيه لطف وفيه خفه

يوم يلعب في جنابٍ تو ماولع نباته= والنسيم اللي شرب عطر الزهر كنه يزفه

ومثله اللي دونه الفلاح مايغلي حياته= نابتٍ بين الورود وجاري الساقي يحفه

لينٍ غظٍ غظيظ ولا فقد عوده رواته= ايتمايل كل ماقام الهواء الهادي يهفه

لعنبو شعرٍ تقاعس واخذلتني مفرداته= عقب ماضلا يبارى الريح صرت اليوم ادفه

ياقصيدي ليه ماترسم على طرسي صفاته= واتهجاها على هوني ومنهن استشفه

وبك مايستاهل التقصير هذا المدح ذاته= زين كل الجيل في كفه وهو زينه بكفه

لاتنقدني مع الغالي وتلحقني شماته= ولاتصير مع الهواء اللي هب عقب العصر صفهdoPoem(“font=’Simplified Arabic,6,#000000,normal,normal’ bkcolor=’#ECD8E1′ bkimage=” border=’groove,4,#400000′ shadow=’1′ type=2 line=0 align=center use=ex num=’0,#400000′”);