مهب البرد…ومجارات (فايز الشهراني)

يابعد نور الفجر عن طرفٍ ثواني ماغفا=وياصبر قرطاسٍ حضن نزف المشاعر وقلمي

لقيت في الدفتر وفي حبر القلم معنى الوفا=بكم وعمي حتى البشر فيهم بشر بكم وعمي

لو اشتكي همي على صم الصفا ذاب الصفا=ينهار عزمه قبل لايقضي كلامي من فمي

يازهرة النرجس دخيلك ماحصل فيني كفا=يكفي عذابٍ عاث بي من عرش راسي لـقدمي

كل الجسد حفنة جروحٍ مالها غيرك شفا=لاتهدري دمي تراك بكل قطره من دمي

لاعاد حب الذات في شخصك ولاعاد الجفا=ولاعاد حبٍ قبل يكرمني ثنالي معصمي

حظي سراجٍ زف لي نوره ثواني وانطفا=رحل وخلاني جسد بين الغداري مرتمي

ابعد حلومي عطرك الفاخر وحسٍ مرهفا=من حقي احلم بك ياليتك ياحلومي تحلمي

انا غريبٍ في مهب البرد يحلم بالدفا=اشبع بطيفك رغبتي والبرد ينهش بلحمي

وادفن همومي في ضميري واتعذب في خفا=ويفضح معاناتي على وجه الورق خط قلميdoPoem(“font=’Simplified Arabic,5,#000000,bold,normal’ bkcolor=’#ECCFE3′ bkimage=” border=’groove,6,#400000′ shadow=’1′ type=0 line=0 align=center use=ex num=’0,#400000′”);قولوا لبو عايض ترى جوه تعكر ماصفا=كنه يشيل الصوت ضاوي بالبيوت وينهمي

هذي طبيعة (لامدي) لو وصل قمه ما أكتفى=يقنع ولد عايض مدام ان ذي طبيعة (لادمي)

مافيه شيٍ يعلمه (لانسان) ويقول اختفى=هذي مواساتي لبو جرحٍ لعله يسلمي

حبٍ يهين الرجل جعله يالعتيبي مالفا=ومن يتبع المقفي بدربه ماوردبه ياسمي

جيتك وجاريتك وانا ماني بشي مكلفا=وزيارة المسلم وجوبٍ من حقوق المسلمي

لله درك ياكلام الشاعر اللي ماهفا=تعيش ياراع اليمين اللي كرمها حاتمي

اثر العمل ماهي سوا اللي بالمصارف تصرفا=عزالله ان الموسمي يبقى دواما موسمي

قلته وانا رجلي من الرمضا متعبها الحفا=لو ان ابو عايض درى عن ماجرى جا يغنمي

حبٍ بدا والا انتهي والشعر عيا ياصفا=لوقاله الساني تلعثم يالصحيبي في فمي

والناس ياضاوي على بعض الكلام ملقفا=بعضهم بوسمي على بعض المطايا ياسمي

وانا دمي لو اعفا عن بعض ناسٍ ماعفا=يادوب ادافع دون نفسي لالقيت مهاجمي

وختامها مني تحيه لك عدد ماولفا=فوق ابيض القرطاس مايكتب حروف الاعجميdoPoem(“font=’Simplified Arabic,5,#000000,bold,normal’ bkcolor=’#E0CFE8′ bkimage=” border=’groove,6,#400000′ shadow=’1′ type=0 line=0 align=center use=ex num=’0,#400000′”);