مووووت الوفاء

انت المفوض وسو اللي تبي ســــوّه=الحكم لك شب والا طف مصباحي

ان قلت ابا اذبحك لعلك على القــوّه=الذبح للحي واللي حيه جـــــراحي

جسمي غطاها من الخارج وهي جوّه=ترعي منابت فروحٍ رسمها ماحي

اشبع بي الموت يـــارجــواي ثم روّه=ان كان ماينجذب طيرك لملواحي

اطيب لي ارتاح من وقتي ومن سوّه=موتي ولا اشوف وانا حي ذباحي

من يوم مات الوفاء والصدق والخوّه=معاد يبكي حـــياته واحــدٍ صاحي

وان قلت توك وفقدان الرجــاء تــوّه=اقول ظلمك حجب عن تربتك ضاحي

انا اشـــهــد انك غليظ القلب ومفوّه=ســــارق ومزاح والمفقوده افرا حي

خــلـيـتـني للهــمـوم الســود تلهوّه=كثرت ســكاكينها يوم الـجـــمل طاحي

واليوم بيني وبين افراحي جفوّه=وياكثر ماكمّل الـمسـرى بمـســـراحي

والوقت اعانك ولاسوى بي مروّه=لـعـب بقـلـبي كما لعبي بـمـســبــاحي

اسرفت بي والزمن ساندك بحموّه=وســـلمتك الامر واتلى العهد بسلاحي

اللي بقالي من العمر الشقي طوّه=ياقاسي القلب موتي كسرت جناحيdoPoem(“font=’Simplified Arabic,6,#000000,normal,normal’ bkcolor=’#F9EFF6′ bkimage=” border=’double,6,#9C00FF’ shadow=’1′ type=0 line=0 align=center use=ex num=’0,#400000′”);