ودوّن عن مسيرة خير ميلادي و هجريه

نشر دين وبطولات وبناء دوله ودحر انداد

تزين صفحة التاريخ بحروف ذهبيه

هذا دور التجلي والشعر لابد له ميلاد

وانا شعري رهنته للمهمات الحماسيه

الا يالله بذكر طيّب اليا ذكروا الاجواد

وجملني مع اللي شرفوني بالثقه فيّه

انا حاضر لميقاف الشرف في كل حين وماد

تعودت اصعد المنبر على سلم قوافيّه

وعلى شان الوطن شاش القصيد الجزل والقصاد

وقمت اختار من عذب الطواريق الرهاويه

مطانيخ القوافي جت تداحم لي على الميعاد

مغير انقا وافاضل بين هاذيه وهاذيه

انا لجل الوطن حاضر قريحه والحروف جداد

شذاها مثل فواح الزهر في وسط محميه

وطنا عشت شامخ ماتطولك هقوة الحساد

صمودك من تضامنا ولحمتنا المثاليه

بفضل الله ثم سلمان عاش الامن فيك وساد

حكم بالعدل والحكمه وقال الدار مرعيه

ملكنا الحازم الشهم الحليم اللي بجوده جاد

ولفتاته لشعبه كلها حب ومحنيه

مثل عبدالعزيز. ومثل اخو نوره من الاحفاد

محمد راعي الرؤيه ونهضتنا الحضاريه

ولي العهد حلال الصعاب مكمل الامجاد

وقف وقفت شجاع وكل وقفاته اصلاحيه

بفضل الله ثم فضل القياده كل حقٍ عاد

على اصحابه وعشنا في نعيم وفي رفاهيه

وحنا من هذا المنبر نجدد بيعة الاجداد

ونسد الباب في وجه الشعارات الضلاليه

جنودً في الحدود موجهين النار للاضداد

صناديد الرجال اللي شجاعتهم وراثيه

وحنا لادعى الداعي لهم عزوه وجيش اسناد

عزيز نفوسنا فدوة ترابك يالسعوديه

بلدنا الله حباها خير مايوجد بكل بلاد

ونحمد ربنا على الكرامات اللاهيه

ومن شرق الوطن باسم الامير سعود كالمعتاد

نقيم بكل عام المهرجانات الثقافيه

نشارك في احتفالات الوطن وانبارك الاعياد

وفي كل احتفالات الوطن  تحضر قوافيّه

ضاوي العصيمي