وانا طفشان

ليا منك مشيت من الخبر طالع على الظهران=يمينك سوق مابه سوق في العالم يحالي له

خيالي يتعب اهل الوصف في التصميم والاتقان=ومن كل الجهات يحصل العاشق مداخيله

وانا مالي وماله مير مريته وانا طفشان=وطرالي ماطرا قلت اكسر الروتين واجيله

ويومني دخلته مرني جولٍ من الغزلان=ووقفت وصحت باعلى الصوت يادنيا مننتي له

وقالت وحده هذا غريب الدار والخلان=يحاتينا تعالوا ناخذ علومه ونحكي له

اكيد انه من المريخ طار وضّيع العنوان=وتعطل مركبه فى الجو وانحلت صواميله

وحول بالمظلة عندنا يومٍ يومه حان=لانه قبل عام الفين ودع وانقرض جيله

وجت يمي تمايل والعباة مخصرة وجنان=وعليها لبس يرسم جسمها باصغر تفاصيله

وقالت هاي قلت الهاي والله طرفك الفتان=وقالت سالفه تكفا دخيل خشيمك دخيله

وقلت الا ابشري باللي تبينه ياغصين البان=رزين العقل لوجيتيه طلعتي محاصيله

وقمت اشرح واسولف عن ربيعٍ جا على الصمان=وبدوٍ خيلت نوض البروق وجاته محيله

واعلمهن عن الخلفات واسم عيالها حيران=وقاعٍ قفر ماحي وطابه من بعد سيله

وفرقان العرب في صيهدٍ دوبن نبته زان=وبنات البدو حلوات النبا اللي مابهن حيله

وقامت وحده من بينهن وغزها الشيطان=وقالت ذا الشماغ اللي على هامتك وشهي له

ورى ماتشتري لك جنز فاخر من هذا الدكان=مثل هذا الولد. وليانه يسحب سراويله

وقلت الحمد لله لاهبيل ولاني بعريان=ولبسي لبس ابوي ومستحيل ارضى بتبديله

وقالت هذي الموضة متى تصحون يابدوان=وقلت الا الرخامه وزعت اللي باردٍ حيله

فمان الله لو قلبي عليك مولع نيران=ابا ادوّر غرامي وانتي المشبوه روحي له

انارجل بدوي وافضل المقناص فى البران=وظبي البر يفهم في قصيدي يوم اغني له

مثل هاذيك راعيت الونيت الابيض الفنان=غلاها طول عمري فى العيون وقلبي اشيله

تواجهنا وانا بسلوم ودلول العرب قنعان=وهي تلبس حياها مثل لبس الثوب والشيله

هنوفٍ في المقاهي ماتضرت تشرب الدخان=ولاقيس عليها راعي المعرض بناطيله

هذيك اللي لها قيمه ومقدارٍ رفيع وشان=لكن انتن كفايه بس للعينين تكحيله

ومشيت وهن ينادني تعال ارجع وانا زعلان=واردد : قال انا ماشي وهو يشر بمنديلهdoPoem(“font=’Simplified Arabic,6,#0A0896,bold,normal’ bkcolor=’0′ bkimage=’images/backgrounds/27.gif’ border=’inset,4,#FFFFFF’ shadow=’1′ type=2 line=0 align=center use=sp num=’0,0′”);