ولي العهد الامير سلطان بن عبدالعزيز

بمناسبة عودة صاحب السمو الملكي الامير سلطان بن عبدالعزيز حفظه الله(قدمت منشده اداء سمير البشيري)تباشري يادار بقدوم سلطان=سلطان سلطان الوفاء والحميه

سلطان سلطان المكارم والاحسان=شيخٍ كفوفه بالوهايب نديه

تعمنا الفرحه ليا سيدي بان=يشر لنا بالراحه الحاتميه

وانتابعه بقلوبنا وين ماكان=نشفق لصوته ونتحرى مجيه

ونرفع يدينا للولي عالي الشان=يالله عسى مقبل حياته هنيه

الصيرمي الشامخ الشهم الانسان =دمث الجناب اللي قليل حليه

للشعب في قلبه مكانه ومسكان=وهو له مكانٍ في قلوب الرعيه

محبته ينبض بها كل وجدان =نشيلها وسط القلوب الوفيه

ارحب يابو خالد تحييك الاوطان=بك رحبت يامير نجد العذيه

وشمالها والشرق والغرب فرحان =وجنوبها يهدي لك اجمل تحيه

الكل لك ياهامة الجود ولهان=ياللي ملكت قلوب كل البريه

عساك سالم من صواديف الازمان =ومحروس من عين الحسد والاذيه

ويامرحبابك هيل ماهل هتان=في ديرة اهل الطيب والشاذليه

ديرة هل العوجا طويلين الايمان=اهل المفاخر والعزوم القويه

في ظلهم عشنا قرابات واخوان=وزالت عصور الخوف والجاهليه

ننعم بخير ونبني افراد واعيان=سور التلاحم والنوايا نقيه

في شور ابو متعب ملكنا كحيلان= لاومى لنا جينـا سريـه سريـهdoPoem(“font=’Simplified Arabic,5,#000000,bold,normal’ bkcolor=’#E7F5EE’ bkimage=” border=’groove,4,#400000′ shadow=’1′ type=0 line=0 align=center use=ex num=’0,#400000′”);